«Поттозы 15000 тиражен!»
Эх, кыӵе лӧптыса пыриз со соку кабинетэ! «Монэ туннэ ӟечкыланы быгатӥськод, Надя, — шуиз, дорам лыктыса. — 2 нунал — субботае но арняе (озьы со ӵем гинэ ужалля вал) — туж зол тырши. Миша Федотовен эшшо ужам на. Табере сборникме издательствое сетӥ. 1990 арын 15.000 тиражен потыны кулэ. («Чебер мак сяська» нимам со сое).
Мон пайми: сомында-а, шуисько. Бен, тамында тиражен, пе, ӧз потылы. на.
Собере сыче шумпотон мылкыдыныз ӧз чида ни-а мар-а редакциын пукыны. Лэзе, пе, монэ командировкае. Капчи мылкыдын кошкиз со Алнаше. Отысь вуыса, пе, понедельнике уже уг лыкты Юкаменске мыно.
Сьӧраз кык командировочной удостоверениос басьтӥз.
Туж сюлэмшугъяськыса вераз отчы ветлэмез сярысь:
«Удмурт кылэз иностранноез сямен дышето. Газетлы гожтӥськон пумысен туж секыт югдур. Августовской совещаниосы дыръя вераськи дышетӥсьёс азьын но. Туж интересной материал гожтыны луоно. Блокнотам лачак пусйылӥ. Тани пуксьы но гожты гинэ».
Сое Владимир Васильевич гожтыса ӧз вутты ни. Редакциын ужан жӧк вылысьтыз шедьтӥм IL Черновлы но В. Владыкинлы «Сёт тунсыко юан. Вормисьлы — автограф!» рубрика улэ ваем юанъёссэ гинэ. Вераз на няньлы сӥзем музее пырамез, солэн кивалтӥсеныз Б. М. Пряженниковен пумиськылэмез сярысь. Книга, пе, дасясько.
Туж курадӟыса ветлэм. «Автобусъёсы. огаз но пуксьыны уг луы, — шуэ. — Глазов — Юкаменск сюрес лэсьтыса быдтэмын ӧвӧл. Автобусъес Юкаменскозь уг ветло. Попутной машинаосын лыктоно лунз. Мырдэм но кызьы Ижевске вуи».
Редакцие пыремез бере ик тунсыкъяськиз газетмылэн юбилеезлы сӥзем книга еярысь. Набор (текстъёс) бичамьгн, пе, ӧвӧл на-а? (Угось со книгаез но соин ӵош дасямы вал). Гуртэ анай доры пе, бертылоно вал, картофказэ октоно. «Дорам вайыны ӧдъясько мон сое туэ, — шуиз со. — Тани ӝоген 4 комнатаен квартира басьто».
Отчы со, конешно, улыны пырыса ӧз вуы ни...
:
